جدول المحتوى
صلاح جاهين
رباعيات صلاح جاهين ، هو شاعر و منتج افلام و رسام كاركتير مصرى مشهور بخفة ظله، و قد عمل فترة رساما للكاركتير فى مجلة روز اليوسف، و انتج العديد من الافالام مثل عودة الابن الضال و اميرة حبى انا، و كتب سيناريو البعض الاخر و اغانيه مثل خلى بالك من زوزو، متولى و المتوحشة، و فيلم اللص و الكلاب. كما كتب كتابه الشهير فى الشعر رباعيات صلاح جاهين.
اقرأ أيضا:-
مميزات الشعر العربى و أهميته
رباعيات صلاح جاهين
الرباعيات هى قالب شعرى معروف فارسى الاصل و يمكننا القول ان اشهر الرباعيات هى رباعيات عمر الخيام، و التى تم ترجمتها إلى العديد من اللغات، و قد اهتم صلاح جاهين بهذا القالب الشعرى و طوره و كتب الرباعيات باللغة العامية المصرية ليناقش بها العديد من القضايا المختلفة المنتشرة فى المجتمع المصرى.
اقتباسات من رباعيات صلاح جاهين:
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا … وحى بيصير تراب
الأصل هو الموت و الا الحياه ؟
عجبى !!!
أنا اللى بالأمر المحال إغتوى
شفت القمر نطيت لفوق فى الهوا
طلته ماطلتوش إيه أنا يهمني
وليه مادام بالنشوة قلبى ارتوى
وعجبي..
يا خالق الكون بالحساب و الجبر
و خالقني ماشي بالاختيار و الجبر
كل اللي حيلتي زمزمية أمل
وازاي تكفيني لباب القبر؟
عجبي !!
أنا قلبي كوكب و انطلق في المدار
حواليكي يا محبوبتي يا نور ونار
يلف مهما يلف ما بيكتففيش
وتمللي نصه ليل و نصه نهار
عجبي !!
وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبى !!!
أنا شاب لكن عمرى ألف عام
وحيد لكن بين ضلوعى زحام
خايف و لكن خوفى منى أنا
أخرس و لكن قلبى مليان كلام
عجبى !!!!
يا باب يا مقفول … إمتى الدخول
صبرت ياما و اللى يصبر ينول
دقيت سنين … و الرد يرجع لى : مين ؟
لو كنت عارف مين أنا كنت أقول
عجبى !!!
